စာရွက်ပေါ်မှာ ဆေးတစ်စက်
မင်တစ်စက်
အရောင်တစ်ခု
ဘာမှ ရှိမနေဘူး။
ပကတိအဖြူ
ဘာမှ မရှိ နတ္ထိ
အမှား လည်းမရှိ၊
အမှန်တရားတစ်ခုလို့
ဟစ်ကြွေးမှု မရှိ
စိန်ခေါ်မှု မရှိ
ဖြူစင်မှုချည်း သက်သက်
အဲဒါဘဲရှိနေတာ အလှတရားတဲ့လား။
မညာပါနဲ့
ဘာမှ မရှိတဲ့ အဖြူထည်
တစ်နေရာရာမှာ
တစ်ခုခုအတွက်
အသုံးဝင်နိုင်ပေမယ့်
ကွပ်လပ် က လက်တွေ့မှာ
လပ်နေတာဘဲ။
ဘာမှ မရေးရသေးတာ
လှသတဲ့လား။
ရေးလို့ ရတဲ့စာရွက်နဲ့…
မရေးရသေးတဲ့ စာရွက်…
အသုံးပြုမှုတန်ဖိုးနဲ့
ကာလတန်ဖိုး
မရေးရသေးတဲ့ စာရွက်တွေ
ဝယ်ရန် အလိုရှိပါတယ်။
ဈေးကစားဖို့ စာရွက်လိုနေတယ်။
ပြုံးပန်းတွေ ပွင့်စေချင်တဲ့
ပန်းပုံပြင်
No comments:
Post a Comment